Өзгөн эл аралык медициналык колледжинде «Салттуу тарбиялоонун заманбап үлгүлөрү» аттуу тарбиялык иш-чара өткөрүлдү

2026-11-12 21:26:51 3

2026-жылдын 12-ноябрында ОшМУнун Өзгөн эл аралык медициналык колледжинде Аялдар кеңешинин төрайымы Мусурманова Токтокан Жусуповна менен биргеликте студенттер үчүн «Салттуу тарбиялоонун заманбап үлгүлөрү» аттуу тарбиялык иш-чара уюштурулду. Иш-чаранын жүрүшүндө студенттердин жүрүм-турум маданияты, адеп-ахлак нормалары, аялдар менен эркектердин ортосундагы өз ара сый-урмат, жоопкерчилик жана инсандык өнүгүү маселелери кеңири талкууланды. Ошондой эле улуттук каада-салттарды жана руханий баалуулуктарды заманбап жашоо образы менен айкалыштыруу, үй-бүлөлүк тарбиянын коомдогу орду, жаш муундарды адептүүлүккө, ыймандуулукка жана жоопкерчиликке тарбиялоо маселелери боюнча пикир алмашуу болду. Иш-чаранын негизги максаты – студенттердин адеп-ахлактык маданиятын жогорулатуу, улуттук баалуулуктарды урматтоого үйрөтүү, өз ара сый-урматка негизделген мамилени калыптандыруу жана жаштардын руханий-инсандык жактан өнүгүүсүнө өбөлгө түзүү. Мындай тарбиялык иш-чаралар келечектеги медициналык адистердин кесиптик билими менен катар адамгерчилик сапаттарын, маданиятын жана коом алдындагы жоопкерчилигин өнүктүрүүдө маанилүү роль ойнойт.